Naturvernforbundet og Møre og Romsdal fylke hadde eit møte om skog 27. april 2009. Ein av konklusjonane vi kunne trekke frå møtet var at sjølv om tilhøvet i dag er prega av manglande tillit på begge sider, er det eit ønskje om å etablere nokre formelle eller uformelle møteplassar mellom skogforvaltningsmiljøet og naturvernorganisasjonane i fylket.

Ein slik møteplass ser no ut til å finnast. Møre og Romsdal fylke har lagt ut invitasjon til ein ”Klimaskogkonferanse” i Bodø 1. og 2. oktober. Naturvernforbundet har vore skeptisk til ein del av innhaldet i kystskogmeldinga, mellom anna det at meldinga har blitt utarbeidd utan deltaking frå naturvernsida. I oppfølginga vil vi tru det er ønskjeleg med noko meir dialog.

Som frivilleg organisasjon utan økonomisk støtte frå fylket har ikkje Naturvernforbundet i Møre og Romsdal høve til på eige initiativ å sende deltakarar på slike reiser.

Naturvernforbundet vil i staden nytte høvet til å be om å få delta kostnadsfritt i den delegasjonen frå Møre og Romsdal fylke som skal sendast til klimaskogkonferansen.

Øystein Folden er leiar av Naturvernforbundet i Møre og Romsdal. Han kan kontaktast på telefon 91 81 25 42.

Ja, dette er viktig. Eg vil bli medlem i Naturvernforbundet

Eg vil gjerne støtte arbeidet Naturvernforbundet gjør for å ta vare på naturen

Brev til Møre og Romsdal fylke